MARIASUN PAGAZAURTUNDUAK 30(Arrankudiaga-Zollo) 30 urte baino gehiago daramatza estetikako langile gisa. Solariuma hezurretako mina arintzeko sortu zela dio. Eta, emakumeak baino gehiago zaitnzen diren gizon asko daudela.
Azken 30 urteetan zertan aldatu da estetika?
Depilatzeko erak, masajeak emateko, aparatuak... aldatu egin dira. Baita jendearen eskaera ere; orain gauza gehiago eskatzen dituzte eta gehiagozaintzen dira, tratamendu osoagoak eskatzen dituzte.
Zuretzako zer da estetika?
Gorputza zaindu eta zahartzaroaren prebentziorako era bat. Nire ustez, metodo naturalen alde egin beharko litzateke, artifizialak izan gabe: bottoxa... Kaleko kutsadurak gorputzean eragin ez dezan beti dator ondo babestea. Eguzkitan jartzen garen lehen aldian babesteko zenbaki altudun krema bota behar da. Gehienak, irailetik ekainera eguzki gutxi hartzen dugu, beraz, azala sentsible egoten da, oso ahul. Horregatik, jende askok beltzaran jarri aurretik azala lantzeko tratamenduak egiten ditu. Solariumak hezurretako minerako sortu ziren. Horregatik, ume jaioberriak horixka daudenean solariumean sartzen dituzte.
Sexuak estetika kontsumoan eraginik al du?
Denetariko jendea dago. Gizonezkoen artean, batez ere txirrindulariak izan ditut. Pubertaroan garuak dituzten gazteak ere hurbildu ohi dira hona. Edo, amak. Adinari dagokionez, tarte batetik aurrera emakumea nagusitzen da. Hori bai, estetika aldetik emakumeak baino askoz gehiago zaintzen diren gizonezkoak daudela argi dut.
Zein aholku emango zenioke azala osasuntsu izan nahiko lukeenari?
Zaintzeko eta eguzkiaz ez abusatzeko. Etengabe abisatzen gaituzte eguzkia hartzeak dituen ondorioetaz eta ez dugu kasurik egiten inguruko norbaiti minbizia egokitu arte.