Laudio futbol taldeak Basconiakoen aurka 1-3 irabazi ondoren, ligako bigarren postuan kokatu da. Futbol taldeak jarraian irabazi duen bosgarren partida da.
Artunduaga futbol zelaian jokatu zuten asteburuan norgehiagoka. Basconiaren aldetik, Arrizabalagak, Bilbok, Magdalenok, Mikelek, Aymericek, Jon Iruk, GUarrotxenak, Zabaletak, Sabinek, Mendigutxiak, Aketxek, Kortaitartek eta Altamirak hartu zuten lehian parte. Laudio taldea, aldiz, Jose Carlos, Garmendia, Alain, Bergara, Larrainzar, Paredes, Rekagorri, Anton, German, Tuto, Ramos, Sergio eta Pastrian futbolariek ordezkatu zuten.
Laudioarrek denbora gutxi behar izan zuten markagailua alde jartzeko. Izan ere, zazpigarren minutuan Germanek sartutako golak talde aiaraldearra aurretik jarri zuen. Basconiakoak, baina, ez zuten etsi; 34. minutuan Guarrotxenak penalti bidez sartutako golean partida berdindu baizuten. Basconiakoen aldekoa, ordea, ez zen partidako penalti bakarra izan. Horren adierazle da Laudio taldeko Paredesek 48.minutuan gol bilakatu zuen penaltia. Norgehiagoka bideratuta utzi arren, Pastrian izan zen 66.minutuan garaipenaren hiru puntuak Laudioren eskutan jarri zituen jokalaria, laudioarren aldeko hirugarren gola sartu baizuen.
Bi txartel gorri, 7 hori
Guadix Vivas arbitroak bi jokalari kanporatu zituen zelaitik: Basconiako Aymeric eta Laudioko Rekagorri. Vivasek, zazpi futbolariri erakutsi zien txartel horia: Basconiako Aketxe zein Mikeli, eta Laudioko Garmendia, Aitor Ramos, Anton, Bergara eta Alain jokalariei.