Otsailaren 3an okupatu zuen Amurrioko Gazte Asanbladak Landa Zuri etxea. Udalaren salaketa medio, ordea, ertzaintzak desalojatu egin zuen gunea. Gazte Asanbladak salatu duenez, eraikinaren barrura sartu ziren 9 gaztek auziperatuta jarraitzen dute udalak salaketa kendu ezean. Haatik, "Epaiketarik ez! Herri bat gaztetxe bat" lemapean kontzentrazioa burutu zuten astelehenean 20 herritar inguruk.
"Udaletxeari azalpenak eskatu genizkion pasaden astean. Erantzun antzuak jaso ondoren, hasitako bidearekin jarraitzea erabaki dugu", adierazi dute. Horren adierazle da aste osoan zehar eraikinaren kanpaldea txukundu eta atontzeko burutu den auzolana, "lan handia dago eta denon laguntza ongietorria izango da, denon lana beharrezkoa da".
Bost identifikatu
"Astelehenean garbitzen hasi gienenean Ertzainza agertu ea bost pertsona identifikatu zituen beste 20 gazterekin batera Gaztetxearen kanpoaldea txukuntzen ari ziren bitartean", salatu dute. Hala ere, lanean jarraitzeko asmoa berretsi dute: "Ez dugu etsiko, Amurrioko gaztetxea ari da martxa hartzen, gleditu gabeko aurrerapausoak ematen". Hori dela eta, datozenegunetan inguruko bizilagunei guztia azaltzeko eskutitz bat bidaliko dietela jakinarazi dute.
