Lagun bati entzuna diot, San Blasetako protagonista lehen ez zela txerria. Behin Uhinak irratian San Blas izena eltxoengandik zetorrela entzun zuela esan zidan. Izan ere, eltxoa hiltzerakoan entzuten den zarata da "sanblas!". Txiste txarrak albo batera utzita, urtarrilaren 28an San Blas eguna festa bilakatzeko prestaketak abian dira. Aurtengo protagonista Terentzio V txerria izango da, eta ohiturari jarraiki, pisua asmatzen duenak eramango du etxera.
Alabaina, animalia ez da izango egunean zehar ikusteko egongo den aukera bakarra. Izan ere, goizean zehar euskal oiloen erakustaldia, baserri-lanabes eta eskulangintzaren erakusketa eta salmenta, jolasak eta urritza makilen lehiaketa egongo dira. Baita txarripata lehiaketa ere. Txistulariak, trikitilariak... ez dute hutsik egingo; ezta harrijasotzaileek ere.
Bedeinkatutako soken salmentaz gain, beraz, izango da zeri heldua Laudioko San Blas egunean. Ikusi nahi? lotu oinetakoen sokak eta kalera!
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
