PSE, EAJ eta Bildu Ondare Higiezinaren gaineko Zergaren (OHZ) igoeraren kontra azaldu dira. Lur edo eraikinen bat jabetzan duen herritarrari eragiten dio OHZak. Arabako Foru Aldundiak %75 igo berri du.
PSEek Arabako Diputazioak zerga hirukoiztu izana salatu du. Gogorarazi du udaleko alderdi guztiak kezkatuta daudela igoeragatik, eta Udalak 2012rako barneratzen duen Ordenantza Fiskala 0,4tik 0,3ra jaitsi zuela balore katastrala %50-%75 garestituko zutela jakin zuenean. Erabakia alderdi guztien adostasunez -Bildu, EAJ, Omnia eta PSE-EEren aldeko bozka eta PPren abstentzioa- onartu zen. Alderdi sozialistak ez du baztertu Ordenantza Fiskala 0,2 tipora jaisteko aukera: “2012ko udal aurrekontuak onartzeko daudenez, herritarrak diruz laguntzeko eraren bat aztertu eta sortzea proposatzen dugu”.
Bilduk Arabako Foru Aldundiaren katastroa eguneratzea “neurrigabetzat” jo du, eta instituzioaren jokaera eta aurreikuspen okerrak luzatzea gogor kritikatu du: “Udalbatzako Talde guztiei zerga tipoaren prontzentaia ezartzeko erabakia hartu aurrez benetako datu eta egiazko informazioa luzatu behar zuten. Horrela, zerga tipoa ezartzerako orduan laudiar guztion interesak defendatzera egokitutako neurriak hartuko ziratekeen”. Bilduren arabera, zergaren eguneratzea 17 urteko atzerapenarekin aplikatu dute. “Urte guzti horietan EAJ eta PP egon dira agintean. Hortaz, gai honetan norbaitek ernatzukizunik izatekotan beraiek dute”, erantsi dute. Dena dela, ez dela errudunak bilatzeko garaia azpimarratu dute, “konponbideak aurkitzekoa baizik”. Haatik, Ezohiko Ogasun Batzorde Informatiboan gainerako talde politikoei proposamen zehatz bat aurkeztuko dietela aurreratu dute.
Herritarrei, aldiz, OHZren ordainketa bakarra burutzekotan urria arte ez zaiela kobratuko jakinarazi diete. Abian dagoen ordainketa ez da martxoaren 31 arte jasoko.
Ez ohiko udalbatza eskatu du EAJk
EAJk, ez ohiko udalbatza egiteko eskatu du. Jeltzaleek zergen aplikazioa gelditzearen alde lan egingo dute. Hain zuzen ere, Batzorde Txostengile bat sortzeko eskatu dute; “merkataritza, ostalaritza, enpresa eta auzo sektoreetako kideak gonbidatuz”. Batzorde Txostengilearen deliberamenduak aztertu ostean, %0,3 Zerga tipoaren murrizpena onartzeko eskatu dute. Bilduk, zerga hori %0,2ra jaisteko asmoa Aldundiak baliogabetu ziela gogoratu du.Txaro Sarasuak, bestalde, urtarrilaren 19tik eta 28ra edo larunbatetan 09:00etatik 14:00etara Kultur etxera hurbiltzeko deia luzatu die herritarrei, Arabako Diputazioko teknikariak bertaratuko baitira 09:00etatik 13:30etara eta 15:30etatik 17:30etara.