Ostegunean aurkeztu zuen Euskaltzaindiak Euskal Heriko udalen izendegia. Aurrenekoz, udalik ez duten arren herri gisa aitortu dituzte Lezama eta Arrastaria. Bizkaian kokatuta dagoen Lezama herritik bereizteko, testuetan Lezama Aiara erabiltzeko gomendatu du euskal hizkuntzaren erakundeak. Aiaraldeko bi izen hauekin batera, Euskal Herriko 31 herriren izen berriak arautu dituzte. Besteak beste, esan dute, Aiaraldea dela Okondo, Artziniega, Laudio, Aiara eta Amurrio batzen dituen kuadrilla.
Orain arte zilegitzat jo den herrien izendapena, 1979an osatu zen. Aurreneko udal izendegiko egileek aitortu zutenez, denbora eta baliabide faltagatik proposatutako lekuen izen batzuk zalantzazkoak edo asmatuak ziren. Euskaltzaindiako Onomastika Batzordeak lekuen izendapena zuzena den aztertzeko ikerketa egin du. Nabarmendu dutenez, ikerketaren emaitzak "argiak" izan direnean soilik aldatu dituzte herrien izenak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
