Euskara izotza bezalakoa da, freskatu ezik desagertzeko arriskuan dago. Hala dio larunbat honetan laudion ospatuko den euskararen aldeko jaiaren spotak. Iaz ospatu zen aurrenekoz laudion euskarak pausu bat haratago jaia. Herriko eragile desberdinek bultzatuta, sinadura bilketa egiteari ekin zioten Laudioko udalak aurrekontu guztiaren %2 euskarari eman ziezaion. Eta helburua, lorpen bilakatu zen.
Geroztik, ordea, bada eskuartean duten erronka bat: laudio euskalduntzea. Horregatik, aurten ere udaberria hautatu dute laudion euskaraz pausu bat haratago emateko. Gainera, Araba Euskaraz jaia bertna izango dela aprobetxatuz, egunean zeharreko jaiari gaueko kontzertuak batu zaizkio: Esne beltza, Kerobia, eta Izargi. Dena dela, egunean zehar ere izango da zer ikusi eta dastatua: umeentzako tailerrak, puzgarriak, pintxo lehiaketa, txakolin dastakaeta, igel jokoa, hankapalu tailerra, mus txapelketa, kantupoteoa... antolatu dituzten ekitaldietako batzuk baino ez dira.
Laudion bagarelako...euskarak pausu bat haratago izango du lema larunbateko jaiak. Dena dela, laudioarrez gain, Menorkako glosadoreek Arabako bertsolariekin jendea zirikatzeko abileziak neurtuko dituzte. Hitzordua 20:00etan izango da, gaztetxean.
Amurrion ere, euskaraz bai eguna prestatu dute larunbat honetarako. Euskarak, ordea, ez du egun bat merez, eguneroko erabilera baizik. Aitorren hizkuntz zaharrak zioenez euskara bada euskaldun egiten gaituena, ba al ginake euskaldun bestela?