Gaur aurkeztu du Urduñako gazte asanbladak 13.gazte eguna. Apirilaren 9an izango da, eta gazte asanbladaren hamairugarren urteurrena ospatzeko festa giroan kalera ateratzeko deia luzatu diete aiararrei.
Adierazi dutenez, azken lau urteetan kale gorria egotera behartu dituzte. Lokal ezaren arazoari irtenbidea eman asmoz, behin baino gehiagotan alkatearekin biltzeko nahia erakutsi dutela jakinarazi dute, baina ez dutela inoiz erantzunik jaso. "Gaztetxe baten beharra gero eta nabariagoa da eta egun honetan horren aldeko indarrak bildu behar ditugu. Gure ametsak antolatuz, ateak zabaltzeko garaia iritsi da!", azaldu dute.
Haatik, datorren larunbaterako egun osoko egitaraua prestatu dute. "Herri honetan gazteak ere bagaudela eta zeresana dugula aldarrikatuko dugu", nabarmendu dute. Parte hartzearekin batera, herria errespetatu eta txukun mantentzeko eskaera egin dute.
Aurtengo gazte egunaren kanta Izargi taldeak egin du. Bideoklipa sarean dago ikusgai.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
