Autobidea eta Latiorro auzoa batzen dituen errepidean, hots, Garmaka auzoko sarreran biribilgunea eraiki nahi du Udalak. Era honetan nahi dute Kurutze industrialguneko sarrera eta kamioien aparkalekurako sarrera hobetzea. Finean, Latiorro auzoa hobeto komunikatzea. Laudioko Udala eta Arabako Diputazioa dira proiektua abian jarri dutenak. Egitasmoak, baina, badu arazo bat: biribilguneak JEZ enpresak abiadura handiko trenen errailak egiteko behar duen lursail bat barnebiltzen duela. JEZekoen esanetan, ezinbestekoa da eremu hori enpresarentzat.
Autobidea eta Latiorro auzoa batzen dituen errepidean, hots, Garmaka auzoko sarreran biribilgunea eraiki nahi du Udalak. Era honetan nahi dute Kurutze industrialguneko sarrera eta kamioien aparkalekurako sarrera hobetzea. Finean, Latiorro auzoa hobeto komunikatzea. Laudioko Udala eta Arabako Diputazioa dira proiektua abian jarri dutenak. Egitasmoak, baina, badu arazo bat: biribilguneak JEZ enpresak abiadura handiko trenen errailak egiteko behar duen lursail bat barnebiltzen duela. JEZekoen esanetan, ezinbestekoa da eremu hori enpresarentzat. "70 metroko luzeera duten errailei buelta emateko erabiltzen dugu eta ez dago maniobra hori gauzatzeko beste eremurik". Hargatik, Udaleko teknikariek biribilgunearen diseinuarekin lanean jarraitzen dute.
Irtenbideetako bat biribilgunearen azalera murriztea da, baina ezinezkoa dela jakinarazi dute norabidea aldatzeko maniobra ezingo litzatekeelako gauzatu. Goikoplazako auzokideek, behin baino gehiagotan aurkeztu dituzte eskaerak Udalean autobidetik Eroskira doan oinezkoen gunea seguruago bilakatzeko neurriak har ditzaten.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
