aiaraldea.eus

Arrakasta nagusi batxilergoko ikasleei zuzendutako lehenengo Orientazio Azokan

Erabiltzailearen aurpegia Izar Mendiguren Cosgaya   Hezkuntza

Larunbatean egin zen Laudio Ikastolan Orientazio Azokaren aurreneko edizioa. Helburua, batxilergoan dauden ikasleei ondorengo ikasketei buruzko informazioa ematea da, norberak egin behar duen aukeraketan laguntzea. Leire Burdain ekimenaren arduradunaren hitzetan, oso ondo joan da: "ikastolakoak ez diren batzuk etorri ziren eta eskertuta eta pozik alde egin zuten denek".

Larunbatean egin zen Laudio Ikastolan Orientazio Azokaren aurreneko edizioa. Helburua, batxilergoan dauden ikasleei ondorengo ikasketei buruzko informazioa ematea da, norberak egin behar duen aukeraketan laguntzea. Leire Burdain ekimenaren arduradunaren hitzetan, oso ondo joan da: "ikastolakoak ez diren batzuk etorri ziren eta eskertuta eta pozik alde egin zuten denek". Goizeko 9:30etik 13:30era, Euskal Herriko ikastegien erakustoki bilakatu zuten Laudio Ikastola. "Mahai edo estandetan, informazioa pilatu genuen eta azokan parte hartu zuten ikastetxe bakoitzak ordu bateko hitzaldian azaldu zuen bere eskaintza eta berezitasuna. Besteak beste Deustuko Unibertsitateak, Mondragon Unibertsitateak eta Zaraobe Lanbide Heziketa eskolak hartu zuten parte. "Ikastolen elkarteko lanbide heziketa ere deitua zegoen baina ezin izan ziren gerturatu". Burdiainen iritziz, oso ondo joan ziren hitzaldiak, "ikasle eta gurasoek oso ondo baloratu zituzten".

Guztira, 60 lagun inguruk hurbildu ziren Orientazio Azokara. Horregatik, datorren urtean Orientazio Azoka errepikatzeko asmoa dutela adierazi du: "Balorazioa egiteke dugu, ez dakigu egun gisa larunbata edo ordutegia berdin mantenduko dugun baina formatua berdina izango da".

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa