Etxeratek egindako deialdiari jarraiki 200 lagun bildu ziren atzo Laudioko enparantzan amnistia eta askatasuna eskatzeko. Hilabeteko azken ostiralero egiten duten bezala, elkarretaratzea egin zuten. Kriseiluak lurrean jarrita, urte berriari ongi etorria emateko erabaki politikoengatik Espainiako eta Frantziako estatuko espetxeetan "bahituta" dituzten 8 laudioarrak izan zituzten gogoan (Oier Amorrortu, Aitor Kortazar, Alaitz Aramendi, Pablo Gorostiaga, Isidro Murga, Patxo Murga, Manu Gonzalez eta Julen Garcia), baita Euskal Preso Politikoen Kolektiboa osatzen duten 700dik gora lagunak ere.
Ekitaldian bertsoak, dantza eta suziriak izan ziren nagusi. Ondoren, brindisa eta zozketaren txanda iritsi zen. Horrez gain, urtarrilaren 8an Bilbon egitekoa den manifestazio nazionalera joateko deia luzatu zieten herritarrei.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
