Ikasle Abertzaleek deitutako herri eskoletan 30 lagun inguru bildu dira. Laudioko Udal Lanbide Heziketa Eskolan eta Amurrioko Zaraobe institutuan burutu ziren atzo ekimenak. Helburua, abenduaren 6a, Espainiako Konstituzioaren eguna jai egun arrotz eta inposatua dela salatzea da.
Ikasle Abertzaleek deitutako herri eskoletan 30 lagun inguru bildu dira. Laudioko Udal Lanbide Heziketa Eskolan eta Amurrioko Zaraobe institutuan burutu ziren atzo ekimenak. Helburua, abenduaren 6a, Espainiako Konstituzioaren eguna jai egun arrotz eta inposatua dela salatzea da.
Aiarako ikasle abertzaleek herri eskoletan burututako hitzaldietan hezkuntza sistema nazionalaren beharra aldarrikatu dute. Izan ere, diote, gaur egungo hezkuntzak ikasleen eskubideak urratu egiten ditu. Laudioko Udal Lanbide Heziketa Eskolan, esaterako, euskaraz ikasteko eskubiderik ez dagoela kritikatu dute. "Zuzendaritzarekin batzarrak egiten ari gara euskaraz ikasteko eskubidearen alde, baina ez omen dugu eskubiderik". Gaineratu dutenez, bertako erdi eta goi mailako ziklo guztiak gazteleraz daude.
Bestalde, euskal kurrikulumaren beharraz ere mintzatu dira. Adierazi dutenez, Euskal Herria eta hezkuntza asebetetzeko burututako kurrikulumak pedagogia askatzailea du oinarri. 2003an ekin zioten zazpi lurraldeak eta ikasleen eskubideak aintzat hartuko zituen sistema zirriborratzeari, eta 2008an bukatu zen prozesua. Ikasle Abertzaleen iritziz, euskal kurrikuluma txertatu beharko litzateke Aiarako ikastetxeetan. Herri eskolei amaiera emateko kontzentrazioa egin zuten bai Laudion eta bai Amurrion.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
