Laudioko Aralarrek Lamuza parkea Laudioko bihotza izan dadin konpontzeko eskatu du. Azaldu dutenez, administrazio publikoak jabetza bere gain hartu zuenetik, hots, duela 30 urtetik ez zaio beharrezko tratamendua eman. "Duen kokapena eta balio arkitektoniko zein paisaiagatik berritu beharra dago, Laudioko pieza zoragarriena da".
Aralarren ustez egoeraren erantzuleak parkearen jabe diren Eusko Jaurlaritza, Arabako Foru Aldundia eta Laudioko Udala dira. "Eusko Jaurlaritza Aldai errekarengatik, Aldundia lurraren jabea delako eta Udala eraikuntzen mantenuaren arduraduna izateagatik". Azpimarratu dute ezin dela Aldundiak Lamuza parkea konpontzeko abiatu duten ideia-lehiaketan parte hartzea albo batera utzi. Besteak beste, ibaiaren flora sustatzea proposatu du Aralarrek, baita kasinoko eraikin abandonatua berreskuratzea ere. "Plana behin idatzi eta aurkeztuta dagozkion dirulaguntzak jaso eta beharrezkoa da parkearen konponketak egingo direla bermatzea".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
