Arabako Odontologo eta Estomatologoen Elkargo Ofizialak antolatuta Dentibus ekimena izango da Lamuza plazan asteazkenean. Xedea aho osasuntsua izateko ohiturak eta teknikak ezagutaraztea da. Autobusa goizeko 10:30ean iritsiko da Laudiora, eta 13:30ak bitarteko ordutegia izango du. Arratsaldeari, berriz, 15:30ean ekingo dio, 19:30ean itxiko delarik. Autobusean haginlari profesional bat egongo da. Adierazi dutenez, Dentibusen bitartez herritarrak urtean behin gutxienez haginlariarengana joan daitezen nahi dute. Era honetan, diote, besteak beste ahoko minbizia detekta daitekeela.