Lendoñobeitiko jardunaldi kulturalak

Erabiltzailearen aurpegia Izar Mendiguren Cosgaya 2010ko urr. 24a, 21:45

Murga, Zollo, Mendeika, Larrinbe, Aloria... asko dira Aiaraldeko herrixkak; eta txikiak izan arren, handia da beren ondare kultural eta historikoa.

Murga, Zollo, Mendeika, Larrinbe, Aloria... asko dira Aiaraldeko herrixkak; eta txikiak izan arren, handia da beren ondare kultural eta historikoa.

Gaur egunera heldu den lehengo garaiko ondarea ezagutarazteko helburuarekin, Gurpide elkarteak hurrengo asteetan, Lendoñobeitiko Jardunaldi Kulturalak antolatu ditu. Besteak beste, Lendoñoko bizilagunez osaturiko talde honek herriko ur-errota berritu zuen duela urte batzuk.

Jardunaldi hauen barne hainbat ekintza egingo dituzte; igande honetan, urriak 24, Andrés de Poza lizentziatuaren inguruko hitzaldia emango du José Salazar historialariak urriaren 31n herriko dorretxea, eliza, Pozako baseliza eta errota bisitatzeko aukera izango dugu, eta azaroaren 7an Larruazabalgo baselizak eta inguruak ezagutu ahal izango ditugu.

Gure herriak, auzoak eta bazterrak ezagutu eta gordetzen duten ondarea aurkitzeko gonbitea luzatu nahi dizuegu, beraz, gertutatu zaitezte Lendoñobeitira!

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide