Txirrindularitza aitzakiatzat harturik, bi arrazoi izango dituzte kirol horren jarraitzaileek Amurriora gerturatzeko urriaren lehenengo hamabostaldian. Izan ere, larunbat honetan, urriak 9, jokatuko da BTT zirkuituko Arabako txirrindulari eskolen proba. Lau kategorietako gazteak neurtuko dira: benjaminak baino txikiagoak, benjaminak, alebinak eta infantilak. Lehiaketa Reforreko kirol instalazioetan egingo da goizeko hamaiketatik aurrera. Antolatzaileen esanetan, Araba osoko 120 gazteren parte hartzea espero da.
Txirrindularitza aitzakiatzat harturik, bi arrazoi izango dituzte kirol horren jarraitzaileek Amurriora gerturatzeko urriaren lehenengo hamabostaldian. Izan ere, larunbat honetan, urriak 9, jokatuko da BTT zirkuituko Arabako txirrindulari eskolen proba. Lau kategorietako gazteak neurtuko dira: benjaminak baino txikiagoak, benjaminak, alebinak eta infantilak. Lehiaketa Reforreko kirol instalazioetan egingo da goizeko hamaiketatik aurrera. Antolatzaileen esanetan, Araba osoko 120 gazteren parte hartzea espero da.
Alforja eta guzti
Bestalde, urriaren 17an, Amurrioko Txirrindularitza Klubak alforjen bizikleta martxa antolatu du. Adierazi dutenez, ibilbide erraza prestatu dute eta hamaiketakoa zein indaba jana eskainiko diete parte-hartzaile guztiei. Hitzordua goizeko bederatzietan Amurrioko kioskoan izatea ebatzi dute, eta ez da egongo izena emateko beharrik. Honetaz gain, gaineratu dute, bizikleta martxari atxikitzen zaion pertsona bakoitzari ekimenaren logotipodun kamiseta bat oparituko diotela.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
