"Bai Udalbiltzari, Bai Euskal Herriari!" lemapean berrogeita hamar lagun bildu ziren atzo Laudioko udaletxearen aurrean. Helburua Espainiako Auzitegi Nazionalean epaitzen ari diren euskal herritarrei elkartasuna adierazteaz gain, Udalbiltzaren lanari zilegitasuna eman eta defendatzea zen. Haatik, Eusko Alkartasuna, Ezker Abertzalea eta beste zenbait eragilek ordu erdiko kontzentrazioa egin zuten.
"Bai Udalbiltzari, Bai Euskal Herriari!" lemapean berrogeita hamar lagun bildu ziren atzo Laudioko udaletxearen aurrean. Helburua Espainiako Auzitegi Nazionalean epaitzen ari diren euskal herritarrei elkartasuna adierazteaz gain, Udalbiltzaren lanari zilegitasuna eman eta defendatzea zen. Haatik, Eusko Alkartasuna, Ezker Abertzalea eta beste zenbait eragilek ordu erdiko kontzentrazioa egin zuten.
Euskal Herriko udalen erakundea da Udalbiltza. 2003an, Baltasar Garzon epailearen aginduz, Udalbiltzako hamairu lagun atxilotu eta kontuak blokeatu egin ziren, baina ez zuten Udalbiltza legez kanpo utzi. Aurten eman zaio epaiketari hasiera, eta 23 kide daude auzipetuta ETA erakundearekin zerikusia dutelakoan. Auzia uztailaren 15ean hasi zuen Espainiako Auzitegi Nazionalak, eta atzo iragarri zuenez, urriaren 25ean berrartuko du kasua epaitegiak. Urriaren 27an espero da amaitzea epaiketa, eta ondorioen argitaratzea aurreratu duten arren ez da zehaztu epaia publiko noiz egingo duten.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
