aiaraldea.eus

Lazarraga Saria jasotzeko hautagaien artean, Aiarako hiru enpresa daude

Erabiltzailearen aurpegia Izar Mendiguren Cosgaya   Euskara

Nola Amurrioko Adi! Zentro Grafikoa, hala Laudioko Talleres Gometegi eta JEZ enpresak bihar jakingo dute Lazarraga Sariaren jabe diren edo ez. Arabako Diputazioak eta Bai Euskarari elkarteak antolatu dute ekimena eta sari hauen bidez Arabako lau entitate eta pertsona bat sarituko dira euren lan ingurunean euskara txertatzeko aurrera eramandako ekimenengatik. Antolatzaileen esanetan, helburu nagusia Arabako arlo sozio-ekonomikoan euskararen alde lan egin duten entitate edota pertsonak saritzea eta haien ahalegina errekonozitzea da.

Nola Amurrioko Adi! Zentro Grafikoa, hala Laudioko Talleres Gometegi eta JEZ enpresak bihar jakingo dute Lazarraga Sariaren jabe diren edo ez. Arabako Diputazioak eta Bai Euskarari elkarteak antolatu dute ekimena eta sari hauen bidez Arabako lau entitate eta pertsona bat sarituko dira euren lan ingurunean euskara txertatzeko aurrera eramandako ekimenengatik. Antolatzaileen esanetan, helburu nagusia Arabako arlo sozio-ekonomikoan euskararen alde lan egin duten entitate edota pertsonak saritzea eta haien ahalegina errekonozitzea da.

Talleres Gometegi, Barne harremanetan euskara modu egokien gehien erabiltzeagatik nabarmendu den entitateen artean kokatu du Sariketaren epaimahaiak. Sail honetan, azaldu dute, estatutuak; lan hitzarmenak; kontratuak; nominak; finikitoak; 10T; lan-parteak; Kudeaketa Plana; kalitatearen eskuliburua; lan arriskuen prebentzioen plana; prozedurak; txostenak; barne araudia; balantzeak; aurrekontuak; dieta-orriak; barne oharrak; zirkularrak; jakinarazpenak; bilera-deiak; lan-bilerak; eta aktak aztertu dira.

 JEZ sistemas ferroviarios enpresa, berriz, euskara sustatzeko ekintza berezi eta eraginkorren bat garatu duen entitateen artean nabarmendu dute. Amurrioko ADi!Zentro  Grafikoa, ordea, kanop harremanetan euskara modu egokien gehien erabiltzeagatik izendatu dute Lazarraga Sarien hautagai. Besteak beste, idatzizko harremanetan; ahozko harremanetan; publizitatea eta promozioan euskaraz bereizteagatik. Lazarraga Sariak bihar, 19:30ean banatuko dira.

Erantzunak

Erabiltzailearen aurpegia Javier Cuadra Erantzuna | #1

Sariak sari... Zorte ona opa diet hiru enpresei (Adi!-ri gehiena, gauzak diren bezala), baina Sari horiei "Lazarraga" izena emateko arrazoia apur bat argituko bazenute?
Susmakor samarra izan naiteke ni, beharbada, baina erakundeek gizajende eta patari baten izena, gorazarre eta omenaldi, berenganatzen dutenean, hilotza poetikoa da hura, bertatik eta erremediorik gabe.
Norbait izan zen Lazarraga, eta zerbait egin zuen. Pena litzateke logotipo huts eginda geratzea.

Erabiltzailearen aurpegia Gartzen Garaio Atxurra Erantzuna | #2

Egia esatera Javier, gehien gehienetan interes handikoak iruditzen zaizkit atari honetan egiten dituzun iruzkinak, gehien gehienetan ekarpen eraikitzailea patrikan duzula gerturatzen zarelako. Baina besteetan ordea, punta zorrotzarekin agertzen ikusten zaitut, oraingo hau kasu. Eta zure iruzkinak erakusten duen galdera eta asmoa zinez interesgarria iruditzen zait, interesantea delako bai Joan Perez de Lazarraga nor izan zen zabaldu eta ezagutaraztea. Hori baina ez da gure lana, zorionez (eta gustuko bidean) lanez gainezka gaudelako jada. Guk antolatu ez dugun sariketa, programa edo eta aldarrikapen baten leloaren inguruko azalpenak ematea beraz, ez dagokigu.

Eta zintzotasun eta gertutasun osoz esango dizut, maiz bisitatzen duzun leiho hau, kanpora eta barrura begira irekita dagoen leihoa dela, zuek guztion parte-hartzea eta elkarrekintza bilatzen duena. Beste batzuetan egin duzun bezala, oraingoan ere Lazarraga nor zen aditzera emateko gonbitea egiten dizut lerro zintzo hauetatik, leiho barrenera sartu eta zure paisaiak berde nabar hauetan txerta ditzazun.
Hala eta ere, Joan Perez de Lazarraga nor zen jakin nahi duenak wikipedian begiratzea du (http://eu.wikipedia.org/wiki/Lazarraga) herrigintzatik eta parte-hartze zabalez osatutako tresna bikaina baita.

Azken Hitza: Zorionez aiaraldea.com eko kideek ondo ezagutzen dugu Joan Perez de Lazarraga, sariketa honetako ikusentzunezko euskarri guztiak guk atonduak izan baitira, eta hartarako ondo aztertu baititugu bere testuak eta bizitza.

Abegitsu esanak halaxe jasoko dituzulakoan, agur bero bat Javier.
(Gustuko izango duzulakoan: http://www.youtube.com/watch?v=qY38z73mTBs)

Erabiltzailearen aurpegia Javier Cuadra Erantzuna | #3

Gartzen, zurea irakurri dut.
Gero nerea irakurri dut berriro, eta bestela ez dakit nik esaten: arrazoia duzu.
Bat da historikoki eta "filologikoki" Lazarragarekin eta Lazarragaren lepotik egiten dena, bai eta horrek niri eragiten dizkidan ondoez, asper eta susmoak. Eta ondo bestelako kontua da ondoez horren harian eta aitzakian nere aldarte sutuari amore ematea eta zuei zaputz agertzea.
Zuzen nagoela pentsatzen dudanean defendatzen saiatzen naiz, eta oker nagoela erakusten didaten eta ikusten dudanean ere aitortzen saiatzen naiz.
Susmakor nagoela, egia da, aurrekoan esan nuen bezala. Susmo horiek ez hemengo eta ez honako, eta bai beste plaza baterako direla ere, orain argi ikusten dut, berotan lehengoan ikusten asmatu ez nuen arren.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa