Arrankudiagako Atxeta eta Arakaldo lotuko dituen biribilgunearen lanak hasi ditu Bizkaiko diputazioak

Erabiltzailearen aurpegia Izar Mendiguren Cosgaya 2010eko irailaren 16a

Arrankudiagako Atxeta auzoa eta Arakaldo artean biribilgunea eraikitzeko obrei hasiera eman die aste honetan Bizkaiko Foru Aldundiak. Helburua gidariaren segurtasuna hobetzea da. Biribilgunea Atxetako Dia supermerkatua eta Arakaldoko gasolindegiaren artean kokatuko dute.

Arrankudiagako Atxeta auzoa eta Arakaldo artean biribilgunea eraikitzeko obrei hasiera eman die aste honetan Bizkaiko Foru Aldundiak. Helburua gidariaren segurtasuna hobetzea da. Biribilgunea Atxetako Dia supermerkatua eta Arakaldoko gasolindegiaren artean kokatuko dute.

Egitasmo beraren barruan sartu ditu Bizkaiko Foru Aldundiak Arrankudiagako Bakiola industrialderako sarrera hobetzeko lanak. Aiaraldea Bilborekin komunikatzen duen errepidea izaki, autobus eta auto askok igarotzen dute lanak egiten hasi diren bi guneak. Haatik, Bizkaiko Diputazioak 3.836.560 euro bideratu ditu Bakiola industrialdeko sargune eta Arakaldo eta Atxetako sargunera. Arrankudiagako kasuan, "T" formako gurutzagunea da eraiki nahi dutena. Adierazi dutenez, Atxetako biribilguneko lanak epe motzera bukatzea espero dute. Bakiolarako sarguneak, aldiz, urte bateko epea izango du amaituta egoteko.

Arakaldo Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide