Laudioko Gazte Asanbladak I. Frontenis txapelketa herrikoia prestatu du astelehen eta astearterako. Bidalitako oharrean adierazi dutenez, partiduak hogei eta bi tantora edo 30 minutura jokatuko dira. Bikote bakoitzeko 5 euroko prezioa ezarri dute horretarako "sariak eta materiala erosteko erabiliko dira". Partidak goizeko 9:00-14:00 arte eta 15:30 eta 20:00 bitartean izango dira, haatik puntualtasuna eskatu diete parte hartu edo ikustera hurbiltzeko asmoa duten herritarrei. Gaineratu dutenez, "txapelketa herrikoia da, eta soilik ondo pasatzeko antolatu dugu". Izena emateko laudiokogaztetxea@hotmail.com helbidera mezua bidali behar da: "e-maila jartzea ezinbestekoa da".
Izan ere, posta elektronikoz kudeatuko dute partiduen orduak eta ordutegiarekin arazoak izanez gero konpontzeko aukera. Jaien bigarren txanda hasi bitartean, beraz, kirola egin edo ikusiz gozatzeko aukerarik ez da faltako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
