Tubacex enpresak kamioietan produktuak exportatu aurretik materiala ikuskatzeko eraikin berria egingo du Laudion. Enpresa hedatzeko erabiliko den gunea, egun langileen autoak aparkatzeko erabiltzen duten eremua da. Herenegun jaso zituzten obrak burutzeko beharrezkoak diren udal lizentziak eta enpresako iturriek, aurki hasiko dituztela lanak adierazi dute. Zehazki, tutuak osatzen dituzten gunean kokatuko dute almazena. Tubacexek, iaz jarri zuen Amurrion martxan laminazio-hotz bidez tutuak eraikitzeko sistema. Maiatzean ospatutako akziodunen batzarretik baikor atera ziren Tubacexekoak, eskari kopurua errekuperatzen ari direlako.
Guardian enpresan "Float" labea erosi dute
Tubacexen bezala, Guardian enpresan ere datozen hilabeteetan izango da berrikuntzarik. Labe berezi honen bidez, kristalen tratamendua luzatu, hedatu eta beiraren kalitatea hobetuko dute. Float-a, 2011. urte hasieran martxan egotea da beraien asmoa. Honetaz gain, pabiloi berria eraikiko dute Jose Matia kalean. Esparru hau, Lateorro auzoan Guardianek duen partzela baten jabetza truk esleitu dio Laudioko Udalak.