Donostiako hockeyko Realeko jokalariek Gardeako zelaian jokatuko dituzte Espainiako lehen mailako azken bi jardunaldiak. Talde donostiarrak Bera-Bera (Donostia) zelaian entrenatu du orain arte, baina zelaiaren konponketak direla-eta, herenegundik entrenatzeko leku gabe geratu dira. Maite Jaunarena Realeko kapitainak gogor kritikatu du erabakia : "Nola da posible, denak lehiaketan gaudenean, Gipuzkoako belar hockey guztia hilabetez entrenatzeko eta jokatzeko tokirik gabe uztea?". Izan ere, Realaz gain ugariak dira kirol hau praktikatzen duten donostiarrak.
Donostiako hockeyko Realeko jokalariek Gardeako zelaian jokatuko dituzte Espainiako lehen mailako azken bi jardunaldiak. Talde donostiarrak Bera-Bera (Donostia) zelaian entrenatu du orain arte, baina zelaiaren konponketak direla-eta, herenegundik entrenatzeko leku gabe geratu dira. Maite Jaunarena Realeko kapitainak gogor kritikatu du erabakia : "Nola da posible, denak lehiaketan gaudenean, Gipuzkoako belar hockey guztia hilabetez entrenatzeko eta jokatzeko tokirik gabe uztea?". Izan ere, Realaz gain ugariak dira kirol hau praktikatzen duten donostiarrak.
Etxeko zelaia izatea berebiziko garrantziatzat du Jaunarenak. Izan ere, aurki hasiko dituzte titulua eskuratzeko kanporaketak, eta aukera handiak ditu talde donostiarrak. Gipuzkoako erakundeek hiru alternatiba eman dizkiote Realari, Donostiako Puiu auzoko zelaia, Zubietakoa edo Laudiokoa. Horietako bakar batek ere ez ditu asebete Realeko jokalariak baina Laudiokoa erabiltzea iruditu zaie "bideragarriena". Jaunarenak urruntasunagatik, senitarteko, lagun eta zale asko ezingo direlako gerturatu du pena. Dena dela, dio, taldeak berdin borrokatuko du, ilusio berberarekin, baina etxeko partidak Laudion jokatzea "kontrarioarentzat zelai neutroa" izatea da bere ustez.
Bi aste barru beraz, Laudion izango da Espainiako emakumezkoen lehen mailako titulua lortzeko borroka.Titulua Euskal Herrian geratu edo ez, emaitzek esango dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
