Espainiako bandera jarri dute Laudioko Udaletxean

Erabiltzailearen aurpegia

Laudioko Udal gobernuak Auzitegi Gorenak emandako agindua betez, bandera espainiarra udaletxean jarri du. Teilatuan ikus daitezke orain bi mastadun bandera, espainiarra ezkerrean eta ikurrina eskuman.


Duela bi hilabete egin zen osoko bilkuran bandera ez jartzeko ezker abertzaleak aurkeztutako mozioa onartu bazen ere, udal gobernuak epaitegiaren agindua bete egin du.

Laudioko Udal gobernuak Auzitegi Gorenak emandako agindua betez, bandera espainiarra udaletxean jarri du. Teilatuan ikus daitezke orain bi mastadun bandera, espainiarra ezkerrean eta ikurrina eskuman.


Duela bi hilabete egin zen osoko bilkuran bandera ez jartzeko ezker abertzaleak aurkeztutako mozioa onartu bazen ere, udal gobernuak epaitegiaren agindua bete egin du.


Alderdi politikoen zein herritarren jarrerak oso desberdinak izan dira afera gatazkatsu honen inguruan. Honela, Alderdi Popularreko Carlos Urquijok adierazi duenez, “30 urtetan ez da legea  errespetatu eta bada ordua sentikortasun guztiak ordezkatuak izan daitezen”. Zentzu berean agertu du iritzia Txaro Sarasua PSEko eledunak; “legea bete beharra dago”.


Gaizka Amorrortu Ezker Abertzaleko kidea izan da udal-gobernuak hartu duen erabakia gogorren gaitzetsi duena:  “inposaketa honen aurrean gure herrian ikurrina defendatzeko kemenik ez badute bertatik kendu daitezela”. “Inposaketa honi herri bezala erantzun behar diogu eta zentzu horretan indarrak biltzeko deia egiten diegu beste alderdi abertzaleei eta eragile sozialei, bandera espainiarrak errepresioa eta herri ukapena ordezkatzen duelako” adierazi du beste alderdiekin hartu emanak iragartzearekin batera.


Eusko Alkartasunaren Laudioko koordinatzailea den Iñigo Martinezere inposaketa honen aurka mintzatu zen independentistak sareak Laudion antolatutako Ikurrinari omenaldian; “inposaketa honen aurka gaude eta herritarrak mobilizatzera deitzen ditugu”.


Jon Karla Menoio
alkateak ere Gorenaren erabakia ez zaiola gustatzen adierazi izan du, “epai irmo bat dago eta betetzea dagokigu guri, nahiz eta gure alderdia ados ez egon”.

aiaraldea.com-ek herritarren  iritziak bildu zituen gai honen inguruan, bideoa bertan ikusterik duzue.

Espainiako Auzitegi Gorenaren aginduz, Espainiako bandera eskegi dute Laudioko Udaletxean. Iinfraestruktura pasa den astean jarri zuten udaletxeko zenbait langilek, eta gaur goizean jarri dute bandera ikurrinaren alboan.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide