Aiaraldea ospetsu egin duten “produktu bereziak”

Erabiltzailearen aurpegia

Bertakoentzako zein kanpoko bisitarientzako famatu bilakatu diren hainbat jaki eta edari ditu eskualdeak. Horren adibide dira, besteak beste, txokolatea, milojak, odolosteak edo txakolina. Leku bereziek ez ezik janari zein edariek ere egin dute ezagun Aiaraldea. Asko dira eskualdeko “produktu tipikoak” eskuratu asmoz hurbiltzen diren bisitariak. Luzea da bertako herritarren artean ere, ospakizun egunetan presente egoten diren jakien zerrenda. 

 

Gozogintza

Bertakoentzako zein kanpoko bisitarientzako famatu bilakatu diren hainbat jaki eta edari ditu eskualdeak. Horren adibide dira, besteak beste, txokolatea, milojak, odolosteak edo txakolina. Leku bereziek ez ezik janari zein edariek ere egin dute ezagun Aiaraldea. Asko dira eskualdeko “produktu tipikoak” eskuratu asmoz hurbiltzen diren bisitariak. Luzea da bertako herritarren artean ere, ospakizun egunetan presente egoten diren jakien zerrenda. 

 

Gozogintza

Urduñara, esaterako, pertsona asko joaten dira txokolatea erostera. Sobatuak ere dira ezagunak. Foru plazako dendetan topa litezke gutizia horiek. Batetik, txokolatea ardatz duten trufak, bonboiak, tabletak edo pastelak. Eta, bestetik, hirian bertan ekoitzitako sobatuak. 

“Milojak” dira eskualdean gozogintzak utzi dituen beste erreferenteetako bat. Laudioko gozotegietan egiten dituzten hostopilak. Berez,  hostorea eta krema tartekatuz osatzen diren pastelak dira, gainean glass azukrea eta txokolate beltza dituena. Nerbioi ertzeko herrietan kokatutako jende ugariren jomuga izaten da azkenburuko gisa. Haatik, Arrigorriagako gozo-dendetan ere topa liteke postre hori. 

Orozko edo Zuhatzako baserriko ogia da tokiko produktuen beste ikurretako bat. 

Orozkon, adibidez, egurrezko labearekin egiten dute oraindik ogia, aintzina moduan, hain zuzen. 

Edariei dagokienez, Aiaraldeko txakolina eta Amurrioko likore etxea dira nagusi.  

 

Odoloste eta txorizoak

Euskal Herriko beste hamaika txokotan bezala, txerriak marka handia utzi du nola kulturan hala gastronomian. Artziniegako odolosteak dira horren adibide, herrian zein inguruko supermerkatu handietan ere aurki litezkeenak. 

Arrankudiagako Ulibarri auzoan egiten diren txorizoek ere izena dute, baita Amurrioko San Jose auzuneko saltxitxek ere.

Gabon garaian zein urte osoan zehar, ugariak dira Aiaraldean txerriaren bueltan egiten diren ospakizunak: Amurrioko San Anton azoka, Laudioko San Blas eguna, Artziniegako txarri-boda...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide