Laudio Eskubaloi Kluba, Aiaraldean dagoen eskubaloi talde bakarra da, eta aurten, urtero bezala, kirol honetako eskaintza zabala plazaratu du ume, gazte, zein helduentzat. Hauek dira klubean dauden maila guztiak:
- Kimuak 11-12 urte
- Talde mistoa
- Haurrak 13-14 urte
- Talde mistoa
- Kadeteak 15-16 urte
- Mutilen taldea
- Nesken taldea
- Gazteak 17-18-19 urte
- Mutilen taldea
- Seniorrak 19 urte +
- Mutilen taldea
- Beteranoak
Kadete mailara heldu arte, talde guztiak mistoak izan daitezke. Maila honetara heldu eta gero, neskak eta mutilak banandu egiten dira bakoitzak bere txapelketa jokatu dezaten.
Klubean aurki dezakegun jende kopuruari begira, guztira 120 bat pertsona daudela esan beharra dago, non jokalari, entrenatzaile, zuzendaritza- talde zein gurasoak diren. Aipatzekoa da, azkenengo hauek, urtero inplikazio maila altuagoa daukatela euren seme- alaben kirol bizitzan, hainbateko ekintzak antolatzen lagunduz.
Ondorengo hauek dira entrenamenduen ordutegi zehatzak:
- Kimu eta Haurrak --> Asteazken/Ostiraletan 17:00etatik 18:30etara arte.
- Kadeteak --> Astelehenetan 18:00etatik 20:00etara arte. Asteazken/Ostiraletan 18:00etatik 20:00etara arte.
- Gazte eta Seniorrak --> Astelehenetan 18:00etatik 20:00etara arte. Asteazken/Ostiraletan 20:00etatik 21:30etara arte.