KADETE NESKAK
Oso partidu polita eta berdindua jokatu zuten iragan larunbatean Laudioko neskak Galdakao Eskubaloi Taldearen aurka. Atsedenaldiko markagailua: 15-14
Bigarren zatiko lehenengo minutuak nahiko bertdintsuak izan ziren Laudioko taldean bi kanporaketa jarraian gertatu eta Galdakaoko jokalarien erasoak eraginkorrak izan ziren arte. Une horretan kanpoko taldea 19-22 goitik zebilen baina neska arabarrak ez zuten erraz amorerik eman eta berdintzea lortu egin zuten. Partiduko azkenengo minutuetan bizkaitarrak freskoago eta aiaraldearrak nekatuago egonda, kanpoko taldea irabaztea lortu egin zuen. Azkenengo emaitza: 25-29
KADETE MUTILAK
Bizkaiko liga txapelketako bigarren garaipena lortu zuten oso joko erakargarri zein eraginkorra burutuz. Laudioko taldeak atezain baten falta edukita ere, oso ondo hasi du bere ligako ibilbidea eta postu horretan dabilena oso ondo egiten ari da bere lana. Orokorrean, erasoan oso joko oparoa erakutsi zuten eta defentsan ematen diren akatsak zuzentzen jarraitu beharko dira. Azkenengo emaitza: 39-31
SENIOR
Bigarren partidua eta bigarren porrota Askartza eskubaloiaren aurka. Erabakigarria izan zen gure taldeak eraman zituen jokalari kopurua: 9. Lesionatuta dabiltzan jokalariak nahikotxo dira eta horrek norgehiagoka honetarako bi aldaketa besterik ez izatea sopasatu zuen.
Partiduaren nondik norakoei alderatuz, lehenengo zatia espero genuena baino askoz hobeagoa izan zen eta honen bukaeran 14-11ko markagailua zegoen. Handik Aurrera etxeko taldeak bere sendotasuna erakutsi 24-14ko markagailua iritsi arte. Taldeko berririk onena, Ivan Gines jokalari gaztearen debuta, kementsu aritu zen partiduan zehar eta bi gol sartu zituen. Egondako jokalarien esfortzua eskertu beharra dago, askok minutu guztiak jokatu baitzituzten.