KIMUAK
Pasa den jardunaldian esan zen bezalaxe, apurka- apurka hobetzen doazela esan beharra dago. Garrantzitsuena umeak irribarre batekin heldu eta joaten direla eta eskubaloiaz gozatzen ari direla.
HAURRAK
Corazonistas C taldearen aurkako norgehiagoka irabaztea lortu zuen Laudioko taldeak. Partaide guztiak erasoan zein defentsan zuzen egon ziren partidu osoan zehar. Azkenengo emaitza: 19-27
MUTILEN KADETEAK
Partidu honetako azkenengo emaitzak ez du islatzen Laudio Eskubaloi Taldeko kideek egin zuten lana. Lehenengo zati oso ona jokatu zen, azkenean markagailuan gol bateko errentarekin kanpoko taldea joan zen. Bigarrenean, norgehiagokaren erritmoa, erasoko arrapaladak eta lesioek ez zieten emandako maila ematen jarraitzen utzi. Hala ere, jokalariak zoriondu beharra dago egindako esfortzuarengatik.
NESKEN KADETEAK
Hala- holako partidua jokatu zuten Eka Laudioko neskek Erromoko taldearen aurka. Lehenengo zatia bi taldeek joko motela eta akats zein baloien galera ugari egin zituzten. Bizkaitarrak gol bateko errentarekin heldu ziren atsedenaldira. Bigarren zatian, haien neke fisikoa somatu ahal bazen ere, ez zuten amorerik eman eta Laudioko taldearen garaipena erraz aurreikusi ahal bazen ere, azkenean 13-14ko emaitzara heldu zen partidua, Laudio garaile.
SENIOR
Basauri86 taldearen aurka jokatu zuten iragan larunbatean Artunduaga polikiroldegian. Lehenengoko 20 minutuan haien gainetik egon ondoren, azkenengo minutu txarren ondorioz lau goleko errentarekin Basauriko taldea atsedenaldira heldu zen. Bigarren zatia Laudioko bi jokalarien esklusioa zela eta gure jokalari onenaren gaineko defentsa indibiduala jarri ondoren gure erasoko jokoa geldiaraztea eta markagailuan ihes egitea lortu zuten. Txarlo, taldeko kapitaina, eta Gartzenen itzulerak dira partiduko ohar positiboenak. Azkenengo emaitza: 21-14
BETERANOAK
Bigarren partidua beteranoen ligaxkan eta bigarren garaipena Laudioko taldearentzat. Partidua amaitzeko 20 minutu falta zirenean Leioako taldeak zazpi goleko errenta zuen eta, beste behin, David atezainak eginiko geldiketen eta ondorioz egindako kontra- eraso eraginkorren eraginez, kontagailuari buelta eman eta 23-25eko emaitza lortu zuten. Hurrengo partidua azaroaren 26an izango da.