KIMUAK
Asterik aste adierazitako progresioari eutsi egiten diote klubeko txikienek. Poztasuna transmititzeaz gain eskubaloiaz gozatzen ari direla ikusten ari gara. Eutsi goiari!
HAURRAK
Laudioko Granja polikiroldegian jokaturiko Gure Auzune A taldearen aurkako partiduan, etxeko taldea argi gailendu zitzaion Gasteizko taldeari. Beñat eta Aitor jokalariek haur kategorian azkenengo partidua jokatu zuten, hemendik Aurrera kadeteekin egongo baitira. Taldeak omenaldi bat eskaini zien partidua bukatu ostean. Azkenengo emaitza: 30-13
KADETE MUTILAK
Partidu zaila eta gogorra jokatu zuten Bilboko Escolapios ikastetxean. Lesioak direla eta, 8 jokalariekin jokatu behar izan zuten. Hala ere, defentsa indartsua egitea lortu zuten; erasoan, ordea, erritmo falta somatu zen. Dena dela, gauza politak ikusi ahal izan ziren.
KADETE NESKAK
Norgehiagoka polita eta berdintsua jokatu zen iragan larunbatean Laudion. Lehenengo zatia oso berdintsua izan zen baina atsedenaldirako 5 minutu besterik falta ez zirenean Zuazok markagailuan 3 goletatik ihes egitea lortu zuten (8-11). Bigarrenean, ordea, defentsa indartsua eta Irene atezainaren geldiketen ondorioz Laudioko taldeak markagailuari buelta ematea lortu egin zuen. Azkenengo emaitza: 19-18. Gauzak horrela, multzoko bigarren postuan sailkatzea lortu dute.
SENIOR
Iragan larunbatean Laudioko Granja polikiroldegian Laudio B.C eta Deusto aurrez aurre aritu ziren. Partidu bortitz eta berdintsu honetan, kanpoko taldearen jokoa pibotean oinarritu zen. Etxeko taldea, ordea, baloiaren zirkulazio azkarrari eutsiz atsedenaldira 14-11ko emaitzarekin heldu zen. Honen ostean erakutsitako joko biziaren erritmoa jaitsi zen eta Bilboko taldeak markagailua irauli eta bi goleko errenta lortu bazuen ere, defensa gogorrari esker berdintzea lortu zen. Azkenengo markagailua: 25-25