Elurra zela eta, Arabako eskola kiroleko jardunaldiak bertan behera geratu ziren. Hori dela eta, kimu eta haurren arteko lagunartekoa jokatu zen iragan larunbatean Laudioko polikiroldegian. Bertan, hainbat froga egiteko eta ume guztiak elkarrekin jokatzeko eta gozatzeko aukera egon zen.
KADETE MUTILAK
Norgehiagoka zaila Urdaibai Eskubaloiaren aurka jokatu zuten pasa den igandean Laudioko Granja Polikiroldegian. Laudioko taldeak bere bertsiorik onena erakutsi behar izan zuen eta baloi bakoitzak borrokatu behar izan zituen partidua irabazteko. Azken aldian atezain jokatu duen Rene jokalariaren aportazioa azpimarratzekoa da. Azkenengo emaitza: Laudio B.C Eskubaloi Taldea 30-25 Urdaibai Eskubaloia
SENIOR
Loyola Deustoren aurkako partidua galdu egin zuen Laudio B.C Eskubaloi Taldeak iragan larunbatean Laudioko Granja Polikiroldegian. Norgehiagoka etxeko taldeak ezarritako erritmo biziarekin hasi zen. Gauzak horrela, lehenengo zatian Laudioko taldea markagailuan goitik ibili zen baina azken minutuetan pairatutako esklusio bikotzaren eraginez bilbotarrak gol bateko errentarekin ailegatu ziren atsedenaldira. Bigarren zatian gauzak erabat aldatu ziren eta arabarrek, lehenengo uneetan gaizki aritu ondoren eta markagailua iraultzeko ahaleginak egin bazituzten ere, ez zuten haien helburua bete. Azkenengo emaitza: Laudio B.C Eskubaloi Taldea 22-28 Univ. Deusto Loyola