KADETE NESKAK
ZUAZO 23-23 EKA LAUDIO
Partidu polita Zallako polikiroldegian jokatutakoa. Etxekoak baino intentsitate handiagorekin ekin genion norgehiagokari eta horrek markagailuan ihes egitea lagundu zigun. Gero, partiduan sartu eta Zuazoko taldeak berdintzea lortu zuen. Bigarren zatia berdintsuagoa izan zen baina gure lehenengo lerroko bi jokalarien eragozpen fisikoek erritmo baxuagoan jokatzera eraman gintuen. Hala ere, azkenengo minutuetara bi goleko errentarekin ailegatu ginen baina erasoko erabaki txarren eta etxeko taldearen minutu onen ondorioz azkenengo markagailuan berdinketa nagusi izan zen.
KADETE MUTILAK
URDAIBAI E.T 22-33 LAUDIO B.C
Igandean jokatutako partidu honetan, nahikotxo kostatu zitzaigun lehiakorrak izatea. Lehenengo minutuetan bai defentsan zein erasoan oso geldirik egonda, nekez egin genezakeen defentsa eta eraso eraginkorrak. Hala eta guztiz ere, jokalariak norgehiagokan sartu ziren heinean, defentsa indartsuagoa eginez eta baloia azkarrago mugituz irabaztea lortu genuen.
SENIOR
LAUDIO B.C 17-27- ARKARTZA CLARET
Senior taldearen porrota. Lehenengo minutuetan taldea trabatu egin zen; alde batetik eraso txarrak eta bestetik, kanpoko taldeak defentsa indartsua eginez. Lehen zatiko azkenengo minutuetan, Pablok, jokalari gazteak eginiko jokaldi ezin- hobeen ondorioz taldeko erasoa libratu egin zen. Bigarren zatian bi taldeen defentsak nagusitu ziren eta jokoa parekatu bazen ere, ezinezkoa suertatu zen kanpoko taldeak lorturiko errenta moztea. Pabloren lana azpimarratu nahiko genuke. Lanean jarraitzera.