Asteburuko eskubaloi jardunaldiaren kronika

Erabiltzailearen aurpegia Laudio BC 2018ko otsailaren 14a

Kadete neskak eta seniorrak partiduak izan zituzten euren txapelketetan. Hona hemen partidu bakoitzaren kronika.

KADETE NESKAK

Udaberriko Txapelketako bigarren porrota Laudioko kadete neskentzat. Taldeak, lesionatuta dabilen jokalarien falta somatu egin zuen. Lehenengo zatia oso berdintsua izan zen baina azkenengo minutuetan kanpoko taldeak 0-6ko partziala sartu zuen eta atsedenaldian zegoen markagailua 5-12koa izan zen. Baloi galerak eta erasoko eraginkortasun ezak markagailuari buelta ematea eragotzi zuen. Denboraldi hasierako jokoa asko hobetu badute ere, talde honek askoz gehiago eman dezakeela argi dago. Orain lesionatuta dauden jokalariak berreskuratu beharra dago. Lanean jarraitzera. Azkenengo markagailua: Eka Laudio 16-28 Basauri

 

SENIOR

Urdaneta talde sendoak garaipena lortu zuen iragan larunbatean Laudioko Granja Polikiroldegian. Loiukoek ate aurrean izugarrizko eraginkortasuna erakutsi zuten eta Laudioko taldeko erasoa nahiko trabatuta egon zen norgehiagoka osoan zehar. Azkenengo markagailua: Laudio B.C 26-43 Urdaneta

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide