EKA Laudioko neskek bi partidu izan zituzten iragan asteburuan. Larunbatean, Kadete mailako Araba kopako finala jokatu zuTen Eharialdearen aurka. Norgehiagoka hau oso estua izan zen bi taldeek plazaratutako jokoaren ondorioz. Laudioko nesken defentsa indartsuak lehenengoko zatiko parte handi batean markagailuan aurretik egotea ahalbidetu zuen, baina aulkian zeuden jokalari kopuru urria zela eta, Gasteizko taldeak emaitzari buelta emateko aukera eman zuen eta lehenengo zatia 13-10 amaitu zen. Atsedenalditik bueltan, laudioarrak indarberrituta atera ziren eta partidua bukatzeko 10 minutu besterik falta ez zirenean gol bat behetik zeuden. Alabaina, erasoko bost jokaldi jarraietako jaurtiketak zutoinean jo zuten eta Eharialdeako neskek ez zuten hutsik egin. Hortaz, partidua 25-19 ko emaitzarekin bukatu zen. Zorionak Eharialdeako neskei erakutsitako jarrera eta jokoagatik!
Bigarren partidua igandean jokatu zen Errotabarri taldearen aurka. Laudioko neskek garesti ordaindu zuten aurreko egunean eginiko esfortzua, eta gainera aulkian jokalari bat egonda, lan gogorragoa egin behar izan zuten. Lehenengo zatia 3-12 amaitu zen. Partiduan zehar 12 gol kontrako errenta izan bazuten ere, azkeneko emaitza 15-20 koa izan zen.
BETERANOAK
Laudioko beteranoek beste behin Bizkaiko kopako finala jokatuko dute Barakaldon kokatzen den Lasesarre polikiroldegian. Partidu hau datorren igandean (hilaren 27an) izango da 16:30etan Urdaibai taldea garaitu zuen Leioaren aurka. Laudioarrek Loyola Urdulizen aurka jokatu zuten. Partidu osoan zehar joko bizia eta kontra eraso ugari eginda, 10 goleko errenta lortu zuten 60 minutuak igarota. Azkenengo emaitza: 39-29.