aiaraldea.eus

EKA Laudioko neskek denboraldiko partidu guztiak irabazi dituzte

Erabiltzailearen aurpegia Laudio BC   Kirola

Orokorrean asteburu eskasa izan arren, azpimarragarria da EKA Laudioko nesken lana denboraldi honetan. Senior, beterano, gazte eta mutilen kadete mailatan ere norgahiagokak izan ziren. Hona hemen kronikak.

SENIOR
Senior taldeak porrot gogorra jaso zuen iragan igandean Urdanetan jokatutako norgehiagokan. Taldea justu xamar joan zen partidua jokatzera, eta gainera erdilari eta alboko jokalari bik lesioa sufritu zuten. Ondorioz, bigarren zatian, ohikoak ez ziren postuetan jokatzera behartuta egon ziren hainbat jokalari. Egoerak hauek gainditu eta altxatu beharra daukagu!

GAZTEAK
Denboraldiko laugarren porrota jaso zuen gazte taldeak pasa den igandean jokatutako partiduan, Bilboko Beltzagorri taldearen aurka. Haien defentsa gainditzeko talde- lanean aritu beharrean indibidualki jokatu zen eta gainera, ate aurrean akats ugari egon ziren. Era berean, defentsako beharra nahiko ahula izan zen. Porrot honek lanean jarraitzera behartzen gaitu, gogor gainera!

KADETE NESKAK
Nesken kadete taldeak menderatu gabe jarraitzen du denboraldi honetan iragan larunbatean jokatutako partiduaren ostean. Mutrikuko Jauja taldeak, hasiera batean 3-3ko defentsa planteatuta gogor ekin zion baina behin zailtasun hori gailentzeko jokoa eginez, markagailuan ihes egitea lortu zuten Laudioko neskek. Gipuzkoarrek beste defentsa mota batzuk jarri arren, gureak horiek garaitu eta partidua irabaztea lortu zuten. Azpimarragarria Gipuzkoarrek erakutsi zuten lehiakortasuna.

KADETE MUTILAK
Mutilen kadete taldeak Egia garaitzea lortu egin zuen bigarren zatian erakutsitako defentsa indartsuari esker. Partidua orokorrean berdintsua izan zen, horren erakusle atsedenaldiko 11-11ko markagailua ikusita.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa