Gustavo Abascalek azpimarratu du naturayala blogean elizek izan duten garrantzia zenbait animalien iraupena bermatzeko. Egun egiten ari diren obrek arriskuan jartzen dute orain arte egindakoa:
"Azken urteotan asko dira eraberritu dituzten etxeak, baserriak, estalpeak, ukuiluak eta zubiak edo harresiak bezalako eraikuntzak eta leku horiek babesteko eta umetzeko erabiltzen duen fauna aberatsa eta anitza kanporatu du horrek.
Horrez gain, berriz ere leku horiek hartzea galarazten diegu, beren gorotzek, egagropilek edo armiarma-sareek etxaurreak, leihoak eta gelak zikintzen dituztelako.
Gaur egun, elizak gure herrietan espezie ezberdinak jasotzen dituzten eraikin bakarrak izan ohi dira. Argazki hauek adibide gutxi batzuk dira, izan ere, zerrenda honetan beste motatako hegaztiak, saguzarrak, mikrougaztunak edo intsektuak sar zitezkeen.
Baina elizek ere berritze lanak jasan dituzte eta hauetako batzuetan bizitzea ezinezkoa bilakatu da. (Otobarren, Uribarri Ibiña); gainera, azken urteetan bizilagunek hainbat elizen kanpandorretan eta gangetan sareak ipintzen dituzte, etxeko usoak sar ez daitezen.
Mandaitan, Okondon, Tresponden, Alcedon, Billodan, Antezana de la Riberan edo Amurrion, besteak beste, sumatu dut joera hau. Eta arazo bera duten herrietan hemendik gutxira gauza bera egin dezakete, hala nola, Ondategin edo Lezaman.
Hegaztiei dagokienez, Espainiako Ornitologia elkartearen (SEO) txostenen arabera, herri-guneetara lotuta dauden hegaztien gainbehera garrantzitsua ematen ari da. Zergatiak anitzak dira, baina emaitza bera da: gure herriak bioaniztasuna era larrian galtzen ari dira."