Oporrak heltzear daude eta horrekin batera gazteentzako zein haurrentzako udako ekimenak. Euskara sustatzeko garaia heldu da gazteriaren artean eta horregatik Urduñan “Uda Ludoteka”, “Uda Euskaraz” eta “Badator Gazteok Udan” proiektuak antolatu dira datorren uztailerako.
“Uda Ludoteka” haur hezkuntzako umeei zuzendutako dago “Udan Euskaraz “, berriz, lehen hezkuntzako ikasleei. Bi proiektu hauek uztailaren 1tik 22ra garatuko dira astelehenetik ostiralera goizeko 10:00etatik 13:00etara.
Ekimen hauetan parte hartzeko Udal Bulegoetan eman beharko da izena eta azken eguna ekainaren 17a izango da. Izena ematerakoan 40 euro ordaindu beharko dira. Bi ume edo gehiago izatekotan 20 euro izango da ordaindu beharko den prezioa.
Bestalde, “Badator Gazteok Udan” ekimena dago. Hau 12-30 urte bitarteko gazteei zuzenduta dago. Hauek aukera izango dute ideiak, proposamenak , ekintzak eta abar antolatzeko. Ideiak ekainaren 18a baino lehen helarazi behar dira Gazteria Zerbitzura. Iaz izandako ekintzen artean multiabentura, hondartzarako irteerak, karting, paintball eta kayak izan ziren.