Mobilizazioa egin du Aiaraldeko Ernaik Laudion, Altsasuko gazteei elkartasuna adierazteko. 19:30ean abiatu da manifestazioa eta herriko kale nagusiak zeharkatu ditu, txistu, oihu eta kazeroladak lagun. Guardia Zibilaren kuartelaren parean geratu dira herritarrak, "Alde hemendik!" oihukatuz. Herriko plazan eman zaio amaiera mobilizazioari.
Larunbatean egingo da Altsasuko gazteen espetxeratzea salatzeko manifestazio nazionala, Iruñean. Eskualdetik busak antolatu dituzte bertaratzeko. Urduña eta Amurriotik bat aterako da eta Txokogorrin eta Mugalden eman daiteke bertan joateko izena. Laudioko autobusa bete egin da, baina bigarren bat betetzeko saiakera egingo dutela adierazi dute antolatzaileek. Baster tabernan eman daiteke izena.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
