Jatorrizko izenburua: Il Postino
Zuzendaria: Michael Radford
Gidoilaria: Michael Radford, Massimo Troisi, Anna Pavignano...
Aktoreak: Philippe Noiret, Massimo Troisi, Maria Grazia Cucinotta ...
Herrialdea: Italia
Iraupena: 115 minutu
Ekoizpen-urtea: 1994
Noizbehinka ikusgai dauden pelikuletatik ihes egitea komeni da. Izan ere, badira zenbait garai non zine-aretoetan dagoen materialaren kaliteak atzera begiratzera behartzen gaituen. Une honetan daukaguna tankera honetakoa da inolako zalantzarik gabe. Halakoetan, nioen bezala, egokia izan daiteke pelikularen bat berrikustea. Duela gutxi, Antonio Skármetaren “El Cartero de Neruda” (1985) izeneko eleberria irakurri egin dut, jatorriz “Ardiente Paciencia” izenburua zuena. Bada, eleberriak gogora ekarri zidan Michael Radford zinemagile britainiarraren pelikula ederra eta, berriro ere ikusi ondoren, zuoi gomendatzeko itzelezko beharra sortu egin zait.
Mario gizon apala eta zinez berezia da. Arrantzaleen herri batean bizi izanda, itsasoarekiko inolako erakarpenik ez du. Hori dela eta, lan xelebre batean hasiko da, bezero bakarra duen postari bilakatuz. Bezero hori, baina, ez da edonolakoa izango, ez horixe!: nor eta Pablo Neruda olerkari txiletar handia, alegia. Bi gizonen artean adiskidetasun ederra sortuko da.
Lan honen arima Michael Radford dugu. Britainiarrak zuzentzeaz gain, gidoiaren egokitzapenean ere aritu zen, bere ibilbide profesional osoko zintarik borobilena lortuz, nire uste apalean behinik behin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
