Jatorrizko izenburua: What We Do In The Shadows
Zuzendaria: Taika Waititi, Jemaine Clement
Gidoilaria: Taika Waititi, Jemaine Clement
Aktoreak: Taika Waititi, Jemaine Clement, Jonathan Brugh...
Herrialdea: Zeelanda Berria
Iraupena: 86 minutu
Ekoizpen-urtea: 2014
Aste honetan Zeelanda Berrian burututako pelikula bat nahi dizuet gomendatu: “What We Do In The Shadows” (2014) izenekoa, alegia. Lan honek ezertxo ere asmatu ez badu ere, horrenbestetan ibiliak izan ez diren bideetatik abiatu egin da, behinik behin. Banpiroen inguruko komedia bat planteatze hutsa, berez iradokitzailea dela iruditzen zait; gehitu horri gainera, barrez lehertzeko moduko gidoia duela eta aktoreek euren rolak sinisten dituztela. Hori guztia batuta, meritu handiko zinta baten aurrean gaudela baiezta daiteke.
Pisua partekatzen duten hiru banpiroen gorabeherak kontatzen ditu lan honek. “Odol-xurgatzaile” hauen bizipenen berri dokumental itxura hartzen duen zinta xelebre honek helaraziko digu: nola banatzen dituzten euren artean etxeko lanak, nola ahalik eta bizimodurik arruntena eramaten saiatzen diren…
Ezin hobeto funtzionatzen duen tramankulu honen egileak Wellingtonnen munduratu ziren Taika Waititi eta Jemaine Clement ditugu. Euren kasuan artista hitza erabiltzea derrigorrezkoa da. Izan ere, biak ala biak aktore, zuzendari, gidoilari, margolari, musiko… dira eta. Kasu honetan, filmea zuzendu, idatzi eta antzeztu egin dute, beste hainbat jenderen laguntzaz noski.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
