Jatorrizko izenburua: La Llamada
Zuzendaria: Javier Ambrossi, Javier Calvo
Gidoilaria: Javier Ambrossi, Javier Calvo
Aktoreak: Macarena García, Ana Castillo, Belén Cuesta...
Herrialdea: Espainia
Iraupena: 108 minutu
Ekoizpen-urtea: 2017
Aste honetan, “La Llamada” (2017) izenekopelikula Espainiarra gomendatu nahi dizuet. Ez zait iruditu, ezta hurrik eman ere!, kalitate handiko lan bat. Hori bai, une honetan karteldegian dauden zinten artean nekez topatuko duzue honen moduko proposamenik: originaltasuna behintzat, ezin zaio ukatu Javier Ambrossi eta Javier Calvo zinemagile madrildarrek zuzendu duten produktu honi. Beraiek zertu duten musikalean oinarrituta dagoen filme hau, artelan goren eta produktu barregarriak hainbatetan bereizten dituen marra estu horren gainetik oreka zailean ibiltzen da askotan.
Segovian dagoen kanpamentu kristau batean kokatzen da zuzendari bikote madrildar honek kontatzen digun istorio bitxia. Halako batean, kanpamentuan dagoen María izeneko neska bati Jaungoikoa agertuko zaio. Argi dagoenez, hortik aurrera ezer ez da berdina izango.
Pelikula hau, Ambrossi eta Calvo zuzendarien estrainekoa dugu. Jakina, esan dudan moduan beraiek sortutako musikal batean oinarrituta egonda, materiala ezin hobeto ezagutzen zuten, eurentzako lagungarria izan dena, duda barik. Nire uste apalean, lanari eman behar zitzaion giro eta argitasunarekin erabat asmatu dute. Hori bai, hainbat unetan begien aurrean duguna nahiko frikia iruditu ahal zaio ikusleari.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
