Jatorrizko izenburua: Perfectos desconocidos
Zuzendaria: Alex de la Iglesia
Gidoilaria: Jorge Guerricaechevarría, Alex de la Iglesia (Remake)
Aktoreak: Belén Rueda, Eduard Fernández, Ernesto Alterio ...
Herrialdea: Espainia
Iraupena: 96 minutu
Ekoizpen-urtea: 2017
Aste honetan, Alex de la Iglesia Bilboko zuzendariaren azken lana gomendatu nahi dizuet. Pelikula honen kasua zinez xelebrea iruditzen zait. Izan ere, iaz Paolo Genovese Erroman munduratu zen zinemagileak burutu zuen pelikularen bertsio berria baita. Ez da batere ohikoa horren berria den zinta baten “remake” bat egitea, ez horixe!
Ustez ederto baino hobeto elkar ezagutzen duten hainbat bikoteren arteko afari batean, lehen begiratuan erabat inuzentea ematen duen jolas bat jarriko dute martxan. Zer eta afarian zehar sakeleko telefono guztiak mahai gainean utzi eta iritsiko den guztia mahaikideekin partekatzea. Abiapuntua interesgarria bada, de la Iglesiak proposatzen digun garapena ez da makala. Pelikulak hasieratik bertatik harrapatzen zaitu eta erritmoa ez da jada inongo momentutan jaitsiko. Lan bikaina nire ustez; hori bai, pelikula italiarra goitik behera kopiatu egiten du.
Nire uste apalean, film hau izugarrizko erronka izan da Bizkaikozuzendariarentzat. Istorioa etxe baten barruan gertatzeak muga oso zorrotzak jartzen dizkio kamera mugimendu ikusgarriak horren gustuko dituen zuzendariari. Hala ere, nire ustetan behintzat, Alexek notarekin gainditzen du proba.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
