Jatorrizko izenburua: Mission: Impossible- Fallout
Zuzendaria: Christopher McQuarrie
Gidoilaria: Christopher McQuarrie, Bruce Geller
Aktoreak: Tom Cruise, Rebecca Ferguson, Henry Cavill...
Herrialdea: AEB
Iraupena: 147 minutu
Ekoizpen-urtea: 2018
Aste honetan pantaila handian ikusi beharreko pelikula bat nahi dizuet gomendatu: “Mission: Impossible- Fallout” (2018) izenekoa, alegia. Izan ere, Ethan Hunt gorpuzten Tom Cruisek burutu duen azken lan honetan horrenbeste eta horren ekintza-sekuentzia on daude, ezen beste edozein modutan ikusita filmeak derrigorrean galdu behar baitu. Ez dira gutxi zinta honek dituen indarguneak: ekintza-sekuentzien kontua alboan utzita, umore ukitu adimentsuak ere ez dira gutxi, gidoi-biraketa txundigarriak ahaztu gabe, noski. Hori bai, pelikula honekin gozatzeko ezinbestekoa da pantailan agertzen denari munta handiegirik ez ematea, bestela sinesgaitza bilakatzen delako, planteatzen dituen egoerak estuegia den marra baten gainean oreka zailean baitabiltza.
Egokitu zaien egiteko bat gaizki irten ondoren, Ethan Hunt eta bere taldea, aspaldiko lagun batzuen laguntzaz, eragin duten ezbeharra konpontzen ahaleginduko dira.
Christopher McQuarrie dugu lan honen zuzendaria. Gidoiaren idazketa prozesuan ere parte hartu duenez gero, filmearen ibilbidean badu erantzukizuna. Hauxe McQuarrieren laugarren zinta dugu, eta horietako hirutan Cruiserekin kolaboratu du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
