Aste honetan Arantxa Echevarriaren aurreneko film luzea nahi dizuet gomendatu: “Carmen y Lola” (2018) izenekoa, alegia. Behin baino gehiagotan aipatu izan dut zineak badituela bete beharreko zenbait funtzio, euren artean hurkoa hobeto ezagutzea. Echevarriak pelikula honekin hainbat hesi nahi izan ditu bota. Sasi-dokumental honetan ijitoen bizimodura era natural batean hurbiltzen gaitu, gerora amodioari buruz dotorezia handiz hitz egiteko. Amodioa bere osotasunean ulertuta, inolako trabarik jarri gabe, gizarteak jartzen dizkionak salbu.
Ez dira gutxi zuzendariak baliatzen dituen gaiak: askatasun sexuala, gizarte tradizional batean desberdina izateak dituen ondorioak, ilusio ezak eragiten duen frustrazioa… Horri guztiari heltzea ez da erraza, are gutxiago lehenengo metraje luzeko filma egiten duen zuzendari batentzat. Bada, zinemagile bilbotarrak nota onarekin gainditzen du erronka.
Aparteko aipamena merezi du, nire ustetan behinik behin, zinta honetan aktoreen jardunak. Ez dago antzezle profesionalik lan honetan, sinesgarritasun ikaragarria ematen diona. Pantailan gertatzen den guztiari freskotasuna dario, ikusleak zinez eskertzen duena.
Jatorrizko izenburua: Carmen y Lola Zuzendaria: Arantxa Echevarria Gidoilaria: Arantxa Echevarria Aktoreak: Zaira Morales, Rosy Rodríguez, Moreno Borja... Herrialdea: Espainia Iraupena: 103 minutu Ekoizpen-urtea: 2018
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide