Aste honetan, pelikula palestinar bat nahi dizuet gomendatu. Hango zinea ez da ezezaguna, ezta hurrik eman ere!, baina nire gomedioetan ez da orain arte inoiz azaldu. Bazen garaia, hortaz, bidegabekeria hau konpontzeko. “Invitación de Boda (Wajib)” (2017) izeneko film honek, nire ustetan behinik behin, zineak bete behar duen oinarrizko betekizun bati erantzuten dio: Gurea ez den kultura bat ezagutzeko parada eskaintzea, alegia. Izan ere, ordu eta erdi luze batean zinta interesgarri honek datu esanguratsu asko ematen dizkigu beste errealitate bat hobetoxeago geureganatzeko.
Bananduta dagoen aita bat, Nazareten bizi dena, alabaren ezkontzarako prestaketa-lanetan arituko da bakar-bakarrik, harik eta Erroman bizi den bere semea etorri eta zeregin horietan lagundu arte. Jarduera hauetan diharduten bitartean, elkar hobeto ezagutzeko parada izango dute, zailtasun-uneak faltako ez direla.
Lan eder honen erantzulerik nagusiena Annemarie Jacir dugu, Belenen munduratu zen emakumezko zinemagilea. Orain arte, lau pelikula ditu burutuak. Gomendatzen ari naizen zinta honekin, bestalde, bi sari eskuratu zituen Mar del Plata izeneko zinemaldian: pelikula eta aktore nagusia premiatzen dituztenak, alegia.
Jatorrizko izenburua: Wajib
Zuzendaria: Annemarie Jacir
Gidoilaria: Annemarie Jacir
Aktoreak: Saleh Bakri, Mohammed Bakri, Maria Zreik...
Herrialdea: Palestina
Iraupena: 96 minutu
Ekoizpen-urtea: 2017
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide