Aste honetan, Paul Thomas Andersonen azken pelikula nahi dizuet gomendatu, “Phantom Thread” (2017) izeneko lana, alegia. Kalifornian jaio zen zinemagileak talento berezia du berezko unibertsoak sortzeko. Andersonen zintek euren erritmoa dute, zuzendari amerikarrak ez du inoiz berebiziko presarik izan istorio bat kontatzeko. Hori bai, ez gaitezen nahas, horrek ez du esan nahi pelikula geldoak burutzen dituenik, ezta pentsatu ere!
Gerra osteko Londresen, bere arrebarekin batera, Reynolds dugu jostunik ezagunena, munta handiko pertsonak janzten ditu, bere mundua erabat antolaturik dago. Hau dena, baina, pikutara joango da maitemintzen denean.
Arestian esan bezala, Paul Thomas Anderson dugu lan erakargarri honen arduraduna, ohi duen moduan gidoia ere berak idatzi egin du eta. Kaliforniako zuzendariak dagoeneko jardunbide profesional sendoa du. Hainbat dira zinemagile honek zertu dituen balio handiko filmak, esate baterako: “Boogie Nights” (1997), “Magnolia” (1999) edo “Pozos de Ambición” (2007).
Hala eta guztiz ere, kasu honetan Daniel Day-Lewis aktore Britainiarraren lana ere goraipatu behar da. Inguruan dituen aktore gehienen jarduna oso egokia bada ere, bere presentzia hutsaz pantaila betetzeko gaitasuna du antzezle bikain honek.
Jatorrizko izenburua: Phantom Thread
Zuzendaria: Paul Thomas Anderson
Gidoilaria: Paul Thomas Anderson
Aktoreak: Daniel Day-Lewis, Vicky Krieps, Lesley Manville...
Herrialdea: AEB
Iraupena: 130 minutu
Ekoizpen-urtea: 2017
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide