Aste honetan, Ari Aster zinemagileamerikarraren lehenengo film luzea nahi dizuet gomendatu, “Hereditary” (2018) izenekoa, alegia. Beldurrezko pelikulak ez dira inoiz nire gustukoak izan. Hala eta guztiz ere, jakin badakit genero guztietan arte-lanak daudela, pelikula hau horietako bat ez den arren. Edozelan ere, lan interesgarri baten aurrean gaudela esan behar da. Atmosfera itogarriak sortzen dituen zinta dugu hau, ikara errazetatik aldenduz, nire aldetik behinik behin, eskertzekoa dena.
Bere amaren ondoan gogoratzeko moduko haurtzaroa igaro ez duen galerista baten iritziz, haren heriotzarekin dena aldatu daiteke. Laster, baina, batere normalak ez diren kontuak hasiko dira gertatzen.
Esan bezala, lan hau dugu Asterren opera prima dugu. Produktu duina da, ondo burututa dagoena, ezinegona sortu eta zinta osoan zehar mantentzen duena. Bestalde, hainbat izendapen eta sari ari da eskuratzen, hasierako film batentzako batere gaizki ez dagoena.
Dena dela, nire iritziz behintzat, meritorik handiena Toni Collettek dauka. Karakterizazio borobila burutzen du Australiako emakumezko aktore bikainak. Sinesgarritasun osoa ematen dio suertatu zaion pertsonai aberats honi, pelikula osoaren zama bere gain hartuz.
Jatorrizko izenburua: Hereditary
Zuzendaria: Ari Aster
Gidoilaria: Ari Aster
Aktoreak: Toni Collette, Gabriel Byrne, Alex Wolff...
Herrialdea: AEB
Iraupena: 126 minutu
Ekoizpen-urtea: 2018
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide