Aste honetan, “Isle of Dogs” (2018) izeneko pelikula nahi dizuet gomendatu. Houstonen munduratu zen Wes Anderson zinemagilearen azken lana, alegia. “Isle of Dogs” (2018) hau animazio-zinta berezia dugu. Hasteko, helduentzako filma da, duda barik, eta gainera, azken bolada honetan horrenbeste hedatu den, 3D-ko animazio teknikatik erabat aldentzen da. Oso zinta erakargarria, desberdina, Andersonen pelikuletan gertatzen ohi den moduan. Nire ustetan, bete-betean asmatu du istoriaren ikuspuntua ohiko ez den pertsonaiengan jartzean. Izan ere, kontakizun honetako protagonistak txakurrak baitira, gizakiak bigarren mailako aktore bilakatuta.
Txakur guztiak hondakindegi bilakatu den uharte batera erbesteratuak izan ondoren, umetxo batek bere txakur galduaren bilatzeko bidaiari ekingo dio.
Hauxe 9. film luzea dugu Wes Andersonen ibilbide sendoan. Ukitu erabat pertsonala duen zuzendaria da, inolako zalantzarik gabe. Bere lan bat ikusten ari zarenean, berehala igarri egiten duzu, bere filmek oso nolakotasun markatuak dituztelako. Pelikularen egiturari erreparatzen badiogu, ukaezina da zuzendari amerikarrak duen xehetasun guztiak zaintzeko gustua, eskertzeko moduko dena. Gainera, bere istorioek, originalak izateaz gain, ikuslea jesarlekuan iltzatuta uzteko gaitasuna ere badute.
Jatorrizko izenburua: Isle of Dogs
Zuzendaria: Wes Anderson
Gidoilaria: Wes Anderson
Herrialdea: AEB
Iraupena: 101 minutu
Ekoizpen-urtea: 2018
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide