Aste honetan, “Viaje al cuarto de una madre” (2018) izeneko pelikula gomendatu nahi dizuet. Zuzendariaren estreinako lana dugu, zinta txiki bezain ona. Izan ere, Sevillan munduratu zen Celia Ricok film labur bat baino ez baitzuen burututa egun arte. Ez du, hala ere, lehen pelikula bat ematen Ricoren debut honek, zinemagile andaluziarrak maisutasun handiz ibiltzen dituelako zinearen atal desberdinak: gidoia, kameraren kokapena, planoen erabilera, aktoreak gobernatzea…
Pelikula hau zinez gertatzen diren kontuez aritzen da: zelan esan beste bati inolaz ere entzun nahi ez duen hori, are gehiago zuretzako erabat beharrezkoa denean.
Esan bezala, Celia Ricoren lehenengo film luzea dugu hau. Arrakasta handia lortu egin du zinemagileak lan honekin, zeren eta hainbat izendapen eta sari eskuratu baititu, Goyasarietarako lau izendapen besteak beste.
Lan honetan zerbait nabarmentzeko badago, ordea, horixe da Lola Dueñaseta Anna Castilloren jarduna. Izan ere, biak ala biak ederto baitaude, txapela kentzeko moduko lana gorpuzten dutelarik. Naturaltasun osoz oso konplexuak diren ñabardurak igortzen dituzte, pelikula osoaren zama euren gain hartuz. Nire ustez zuzendariak bete-betean asmatu du pelikulako protagonistak aukeratzen, azken emaitzaren mesederako.
Jatorrizko izenburua: Viaje al cuarto de una madre
Zuzendaria: Celia Rico
Gidoilaria: Celia Rico
Aktoreak: Lola Dueñas, Anna Castillo, Pedro Casablanc…
Herrialdea: Espainia
Iraupena: 91 minutu
Ekoizpen-urtea: 2018
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide