"BlacKkKlansman"

Aste honetan, “BlacKkKlansman” (2018) izeneko pelikula nahi dizuet gomendatu. Atlantan munduratu zen Spike Leeren azken lana dugu hau. Niretzako ezuste polita izan da zinta honi esker Leek, ez soilik hainbat izendapen, Oscarsari bat ere lortu egin duela jakitea, zein eta egokitutako gidoi onena premiatzen duena gainera. Izan ere, zinemagile gorabeheratsu bat dela onartzen dudan arren, oso gustuko baititut amerikar honen zenbait film, hortik nire poza.

Lan berri honetan, Georgiako zuzandariak Colorado Springsekolehenengo polizia beltzaren gorabeherak kontatuko dizkigu, bere ukitu umeretsuaz jakina. Pantaila erraldoian agertzen zaizkigun zenbait egoera erabat surrealista dira, duda barik, eta, gainera, izaera panfletarioa egotzi dakioke zintari; baina, hala eta guztiz ere, gidoi burutsua duela ezin ukatu.

Spike Leeren ibilbidea oso luzea da, argi dago. Bestalde, halako kasuetan beti gertatzen den moduan, ibilbide hori oso gorabeheratsia da, gorago aitatu dudan moduan. Halere, Atlantako zinemagileak baditu borobilduta meritu handiko zenbait lan, hala nola, “Do the Right Thing” (1989), “Jungle Fever” (1991), “Malcolm X” (1992), “25th Hour” (2002) edota “Inside Man” (2006).