Aste honetan, duela nahikotxo estrenatua izan den pelikula bat gomendatu nahi dizuet, zein eta “Toy Story 4” (2019) izenekoa alegia. Hau dela eta, lan hau ez duzue zine-aretoetan dagoeneko aurkituko, pena bat dena, zeren eta pantaila erraldoian baino hobeto ez baituzue beste inon gozatuko zinez ederra den zeluloide puska hau.
Hala ere, zinta hau ikustera hurbildu nintzenean susmo txar asko nituela aitortu behar dut. Izan ere, ahaztezin bilakatu diren jostailu hauen inguruko trilogia ezin borobilagoa iruditu baitzait beti. Ez nuen uste, hortaz, laugarren pelikula bat beharrezkoa zenik, inondik inora. Dena dela, filmea ikusitakoan, errezelo hauek funtsik gabekoak zirela egiaztatu nuen.
Laugarren atal honen erantzule nagusia Josh Cooleyzuzendari amerikarra dugu. Kontuan hartuta hauxe dela zuzendu duen aurreneko film luzea, borobildutako lana nabarmentzeko modukoa dela esan beharra dago. Egia da, bestalde, eskarmentu handia duela Pixar ekoiztetxean, baina beti bestelako lanetan, ez zuzendari gisa, non bi film labur baino ez dituen borobilduta lan hau burutu aurretik.
Onartu behar da, halere, heredatu dituen pertsonaiek horren nortasun handia dutela, non eurekin lan egitea errazago izan behar duen. Hori bai, gerta daiteke hau berau bi ahoko arma izatea, jendeak pertsonaia hauen aurreko menturak buruan ondo errotuta ditu eta.
Jatorrizko izenburua: Toy Story 4
Zuzendaria: Josh Cooley
Gidoilaria: Andrew Stanton, Stephany Folsom
Aktoreak: Animazioa
Herrialdea: AEB
Iraupena: 100 minutu
Ekoizpen-urtea: 2019
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide