Aste honetan, Amerikako Estatu Batuetako San Frantziskohirian jaio zen Clint Eastwoodzinemagilearen azken pelikula nahi dizuet gomendatu, “Richard Jewell” (2019) izenekoa alegia. Egitan gertatutako jazoeretan oinarritzen den lan interesgarri honek hausnarketarako bidea ematen du. Izan ere, enpatia izatea zaila gertatzen denean, asmatutako gezur bat errazago sines daitekeela argi uzten baitu zintak. Are gehiago gezur hori saltzen duena estatuaren aparatua denean.
Heroia izatetik susmagarri nagusia izatera pasatzea zein erraza izan daitekeen azaltzen digu zuzendari kaliforniarrak dotorezia handiz bere filmarik berrienean.
Clint Eastwooden ibilbide profesionala luzea da oso. Aktore zein zuzendari gisa zinez emankorra izan da bere ekoizpena. Zinea ulertzeko duen moduagatik azken klasikoa dela esaten da eskuarki eta, kamera kokatu zein mugitzeko duen moduak hala adierazten du, duda barik. Istorioak kontatzeko ere, bere denbora hartzen du beti eta ahalik eta modurik sinpleenean egiten saiatzen da, ikusleen adimena gutxietsi gabe.
Bestalde, pelikula honetan goraipatzeko moduko hainbat antzezpenez goza ditzakegu. Paul Walter Hauser-rek, Kathy Bates-ek, edo Sam Rockwell-ek, besteak beste, une ederrak oparitzen dizkigute haien karakterizazioekin.
Fitxa teknikoa
Jatorrizko izenburua: Richard Jewell
Zuzendaria: Clint Eastwood
Gidoilaria: Billy Ray (Artikulua: Marie Brenner)
Aktoreak: Paul Walter Hauser, Sam Rockwell, Kathy Bates…
Herrialdea: AEB
Iraupena: 131 minutu
Ekoizpen-urtea: 2019
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide